 |
 |
Thenie-Proverba |
 |
|
 |
|
Virtyti eshte vesi me i kushtueshem.
--- Nietzsche
|
|
|
|
Reklama |
|
|
|
Menuja |
|
|
|
Vizitoret e castit? |
|
|
|
Kemi 119 vizitor(e) dhe 0 anetar(e) ne faqe ne kete moment.
Ju jeni vizitor anonim. Mund te rregjistroheni ne cast falas duke klikuar ketu
|
|
|
|
Perkujtimore |
|
|
| |
|
Moisiu Papes: Duam nje Universitet Katolik
Presidenti i Republikes, Alfred Moisiu zhvilloi dje viziten e tij te pare ne Seline e Shenjte ku u takua me Shenjterine e Tij, Papa Gjon Pali II. Gjate takimit, Presidenti Moisiu i propozoi shenjterise se tij, Papa Gjon Pali 2 ngritjen e Universitetit Katolik ne Shqiperi.
Ne keto kushte, Moisiu theksoi se Kisha Katolike Shqiptare ndjen boshllekun e nje kardinali shqiptar, si dhe te nje kishe katolike ne Rome, per komunitetin shqiptar tashme te shtuar numerikisht ne Itali. Nga ana e saj, Selia e Shenjte vleresoi marredheniet dhe angazhimin e Shqiperise, si dhe shprehu mirekuptimin per nevojat e shprehura e plotesimin e tyre.
Presidenti i Republikes, Alfred Moisiu u ndal gjithashtu ne fenomenin shqiptar te tolerances fetare, te cilen e cilesoi "nje shembull ne Ballkan e me gjere", per perhapjen e te cilit nen kujdesin e tij Presidenti Moisiu njoftoi edhe organizimin ne Tirane te nje konference nderkombetare mbi bashkejetesen dhe tolerancen fetare ne Shqiperi. Vleresimet e larta te Presidentit Moisiu per kishen katolike shqiptare dhe Misionareve te Paqes lidhur me veprimtarine e tyre aktive ne shuarjen e fenomenit te gjakmarrjes dhe per normalizimin e shume familjeve ne veri te vendit, ishin nje tjeter teme e bisedes se Presidentit me Shenjterine e tij, Papa Gjon Pali II. Presidenti e cilesoi aktivitetin e tyre jo vetem te dobishem, por edhe te domosdoshem, duke theksuar nevojen qe ai te shtrihet edhe ne zona te tjera te rajonit verilindor e me gjere.
Gjate takimit, Presidenti Moisiu vleresoi rolin e Papes, Selise se Shenjte dhe komunitetit katolik ne Shqiperi, si dhe marredheniet e mira mes Shqiperise dhe Vatikanit. Moisiu i ka dhuruar Atit te Shenjte nje statuje te Heroit Kombetar Gjergj Kastrioti Skenderbeu dhe ne kembim ka marre urimin "Zoti e bekofte Shqiperine". Papa Gjon Pali II, i ka dorezuar presidentit shqiptar medaljen e Vatikanit. Ne takim ishin te pranishem Nenkryetarja e parlamentit, Jozefina Topalli, Ministrja e Kultures, Arta Dade, Kryetari i Bashkise se Tiranes, Edi Rama, Ambasadori yne ne Vatikan, Zef Bushati, Kryetari i Partise Demokristiane, Nikolle Lesi, etj. Pas takimeve ne Vatikan, Presidenti Moisiu dhe delegacioni qe e shoqeron ne kete vizite qendruan ne Baziliken e Shen Pjetrit, ku bene homazhe ne varrin e Papa Klementit te 11-te, ndersa nje dhurate surprize per Presidentin Moisiu ishte zbulimi i statujes se Papes me origjine shqiptare, bere ne 1722, nje vit pas vdekjes se tij. Presidentit Moisiu i parapriu dje pas mberritjes ne Rome, nje pritje e Ambasades Shqiptare ne Vatikan, ku ishin te pranishem perfaqesues te Trupit Diplomatik te Akredituar ne Rome, perfaqesues te komunitetit shqiptar me te gjitha grupimet e tij ne Itali, si dhe Kardinali Cepe. Ne kete mjedis Presidenti Moisiu zhvilloi takime e biseda te lira me emigrante dhe studente shqiptare ne universitetet italiane, te cilet i parashtruan situaten e tyre dhe kerkuan ndihmen e presidentit per shkolla shqipe apo ne bashkepunim me qeverine italiane perhapjen ndoshta te nje instituti te gjuhes shqipe ne Rome, i cili do te ndihmonte komunitetin shqiptar per ruajtjen e gjuhes, kultures, traditave kombetare, si dhe ndihme ne tekste shkollore per gjuhen shqipe per femijet e emigranteve.
N.Perndoj
Kortezi e gazetes Koha Jone
|
|
|
|
