 |
 |
Thenie-Proverba |
 |
|
 |
|
Burri tė mbytė ose ta falė, i ligu as tė mytė as ta falė
--- Populli
|
|
|
|
Reklama |
|
|
|
Menuja |
|
|
|
Vizitoret e castit? |
|
|
|
Kemi 157 vizitor(e) dhe 0 anetar(e) ne faqe ne kete moment.
Ju jeni vizitor anonim. Mund te rregjistroheni ne cast falas duke klikuar ketu
|
|
|
|
Perkujtimore |
|
|
| |
|
Sopranoja shqiptare me fame boterore, ka mrekulluar artedashesit kosovare, ne nje koncert ne vendlindjen e babait te saj, Avni Mula. Dyndja e artedashesve te muzikes klasike nga Prishtina, kontrastet e mireseardhjes dhe repertori i zgjedhur, qe u mbyll me duetin babe e bije, me nje kenge per Gjakoven, te ndaluar per 20 vjet
GJAKOVE - Si rralle here te dielen ne mbremje, ne Gjakove pati dyndje te publikut nga Prishtina per nje koncert te muzikes klasike. Rendom, levizjet per kete tip aktiviteti jane njekaheshe: nga provinca drejt Prishtines. Por ne nje Kosove ku jeta kulturore le mjaft per te deshiruar, interesimi i publikut per koncertin e Inva Mules ne Gjakove, nuk tingellon aspak befasues.
Per te disaten here, diva shqiptare shpalosi bujarisht spektrin e dhuntive te saj: Ngjyrimin vibrues te zerit, interpretimin brilant, komunikim elegant dhe imazhin e sofistikuar. Komponente harmonike dhe ne te njejten mase "pergjegjes" te magjise qe ajo ka ditur te krijoje ne La Skala te Milanos, Metropolitan Opera te Nju Jorkut, ne Royal Opera House te Londres, ne Moske, Barcelone, Mynih, Bruksel, Tokio, Paris e Tirane. Perballe nje publiku qe nuk mundi te beje tjeter vecse t'a duartrokase dhe t'a adhuroje.
Triumfin e sopranos nuk e zbehen as mjerimi i Pallatit te Kultures ne Gjakove, as kembengulja e nje femije (e ca me shume e prinderve) per t'i dhuruar lule teksa kendonte, as fjalimi i zgjatur i perfaqesuesit te komunes qe i uronte mireseardhjen e qe mund t'u kete kujtuar amatoreve te kinematografise shqiptare, nje pasazh te ngjashem ne filmin "Koncert ne vitin 1936".
Si per te vertetuar shprehjen se "humori lind nga kaosi", ekzaltimi i zyrtarit qe himnizonte bukurine dhe thellesine e syve te Inva Mules, kontrastonte dukshem me ngadalesine dhe qetesine e fillimfjalimit (te mireseardhjes), duke provokuar te qeshura te forta ne salle.
Freskia dhe mjeshteria e interpretimit te Mules, shoqeruar nga ekzekutimi dinjitoz i Orkestres se Filarmonise se Kosoves dhe Teatrit te Operas ne drejtimin e Arber Dhomit, dirigjent i talentuar dhe ish- asistent i mjeshtrit Von Karajan, i dhane mundesine publikut te shijonte madheshtine e artit te Bizese, Verdit, Belinit, Rosinit si dhe lirizmin e "Per mu paska kene kismet" dhe shtrirjen diellore te "Valsit te Lumturise".
Ishte kerkese e qellimshme e sopranos qe koncerti te mbahej ne Gjakove, ne vendlindjen e te atit, kompozitorit dhe kengetarit te njohur, Avni Mula. Me sa duket, per t'i dhene vetes mundesine qe te shlyej nje borxh moral dhe te atit mundesine qe te perjetoje emocionin e "Kenga e Gjakoves", te cilen e kishte kompozuar ne nje vale malli per qytetin e lindjes e qe kishte provuar t'a kendonte 24 vjet me pare ne te njejten salle. Kenga, e ndaluar mese dy dhjetevjecare te shkuar, eshte sjelle mbreme ne nje duet virtuoz qe edhe mbylli nje nate te pazakonte ne Gjakove.
Marre nga Kosovalive
|
|
|
|
