Miresevini tek Shpirti i Shqiptarit
  Rregjistrohu
 
 
 
 
 
 
 
 

  Thenie-Proverba
Vlera e marteses nuk eshte ajo qe te rriturit prodhojne femije, por femijet prodhojne te rritur.
--- Peter De Vries

  Reklama

  Menuja

Anetaret
· Hyrje
· Llogaria ime
· Mesazhet
· Administrimi
· Dua ndihme
· Largohu

Komuniteti
· Te rejat
· Anetaret
· Donatoret
· Sondazhe
· Temat
· Seksionet
· Kontributi juaj
· Kryelista
· Kryeartikujt
· Foto kompjuteri

Programe
· Muzika
· Letersia
· Historia
· Forum
· Chat
· Email
· Galeria

Temat
· Albasoul
· Art
· Chat
· Demokraci
· Elita
· Emigracion
· Feja
· Forum
· Gjuha
· Histori
· Humor
· Internet
· Intimitet
· Kombi
· Kulture
· Kuzhina
· Lajme
· Letersi
· Muzika
· Njoftime
· Politike
· Shendeti
· Sport
· Urime

Sherbime
· Rekomandime
· Pyetesori
· Statistikat
· Fjalor
· Arkiva
· Kerko

  Vizitoret e castit?
Kemi 161 vizitor(e) dhe 0 anetar(e) ne faqe ne kete moment.

Ju jeni vizitor anonim. Mund te rregjistroheni ne cast falas duke klikuar ketu


  Perkujtimore
Nje dite si kjo ...


2008
Bajram Curri
Në 29 mars 1925 u nda nga jeta trimi i maleve Bajram Curri, Hero i Popullit, njëri nga organizatorët dhe prijësit kryesorë të Lidhjes Shqiptare të Prizrenit, i cili ndihmoi për ngritjen e klubeve dhe shkollave shqipe, punoi për forcimin e shtetit shqiptar dhe ishte ndër udhëheqësit e forcave demokratike në luftën e tyre për liri, deri sa ra ne shpellën e Dragobisë.

Mustafa Matohiti
Në 29 mars 1944 u vra gjatë luftimeve të pabarabarta me forcat gjermane, Mustafa Matohiti, Hero i Popullit.

Dino Kalenja
Në 29 mars 1944 ra duke luftuar i riu nga Mallakastra Dino Kalenja, Hero i Popullit.

Tulio Levi Çivita
Në 29 mars 1873 u lind matematikani italian Tulio Levi Çivita, shkencëtari që për herë të parë shtroi dhe zgjidhi problemën mbi rregullimin e kufizuar të tre trupave, si dhe vërtetoi matematikisht teorinë e invarianteve adiabike të shtruara nga Ajnshtajni.

Aleksej Bah
Në 29 mars 1857 u lind shkencëtari rus Aleksej Bah, themeluesi i Shkollës së Biokimisë ruse, i cili formuloi teorinë e proceseve të oksidimit të ngadaltë në organizmat e gjalla ( te kafshët dhe bimët).
Lajme :: Bashkim Gazidede, ish kreu i SHIK thyen heshtjen pas 9 vjetësh
Postuar nga: Albo

Lajme Gazidede: Klosi vrau 2 njerezit e SHIK

Interviste e ish-kreut te Sherbimit Informativ Kombetar ne vitet 1992-1997, Bashkim Gazidede, dhene ne emisionin “Opinion” ne Tv “Klan” perballe gazetarit Blendi Fevziu. Rrefimi i ish-shefit te sherbimit sekret per rolin e islamikeve, aktivitetin e Bin Laden, marredheniet me CIA-n, ngjarjet e 1997 dhe veprimet e Berishes. Si u ngriten skemat piramidale dhe vendimi i Gramoz Rucit per dosjet

Zoti Gazidede, intervista juaj do te jete nje lloj profili, duke filluar qe nga viti 1991 dhe duke u perqendruar kryesisht ne ato pika qe kane qene, jo vetem te mistershme, por shpesh here edhe akuza ndaj jush ose ndaj institucionit qe ju keni drejtuar ‘92-‘97. Por, po e nis pikerisht me ate profil. Cili ka qene angazhimi juaj perpara vitit 1991 kur ju u zgjodhet deputet i Partise Demokratike ne Peshkopi?

“Une kam mbaruar per mesues matematike ne Shkoder ne vitin 1976. Kam shkuar ne shkolle te larte pas nje katervjecari nderprerje, sic ndodhte shpesh ne ate kohe. Kam mbaruar me rezultate shume te mira. Kam punuar mesues ne disa fshatra te Peshkopise. Mbas njefare periudhe, arrita te rregulloj plotesimin e provimeve prane Universitetit te Tiranes ne degen e matematikes dhe ne kete periudhe me moren pedagog ne Fakultetin e Shkencave, ne katedren e Matematikes. Qe nga viti 1984 kam punuar ne Fakultetin e Shkencave te Natyres deri ne vitin 1992, kur u bera deputet i PD-se dhe me vone shef i sherbimeve sekrete.”

C’lidhje kishit ju me Partine Demokratike?

“Une vij nga nje familje qe nuk e ka dashur komunizmin asnjehere. Jam rritur ne nje ambient familjar, ku komunizmi eshte kritikuar vazhdimisht. Nuk mendoj se eshte me teper merita ime, por merita e tradites familjare. Une kam patur shok dhe miq, me te cilet gjithmone kam folur per problemet qe une mendoja se nuk ishin te drejta ne ate kohe. Keshtu qe nga 1991 nuk ishte gje e jashtezakonshme per mua. Une dhe ne fakultet, ne ate kohe, kam patur shoke dhe miq me te cilet bisedoja. Krijimi i PD-se per mua ishte nje gje qe nuk me linte te mendoja e ne cilen ane do te jem. Dhe, nese une kandidova per PD-ne ne 1991 ne Peshkopi, edhe pse e dija qe nuk fitohej, une do t’i beja sherbim atyre patrioteve te mi nga Peshkopia. Te pakten ata qe me njihnin, ta kuptonin se ne cilen ane isha. Ky ishte qellimi im ne ate kohe. Pastaj ata menduan te me kandidojne serish ne ’92 dhe ndoshta jashte deshires time kandidova serish ne vitin 1992 dhe u zgjodha deputet.”

Si ndodhi qe u vute ju ne krye te SHIK-ut ne maj 1992?

“Une nuk kam patur asnje lidhje personale me zotin Berisha ne ate kohe kur ai ishte President. Nuk e kisha takuar asnjehere. Une dhe sot e kesaj dite nuk e di saktesisht se kush me ka propozuar prane tij. Sigurisht qe do t’i kishin folur fjale te mira.”

Nuk u bete kurioz qe te dinit se kush ju propozoi te ishit ne krye te SHIK-ut?

“E kam pyetur dhe zotin Berisha dhe nuk me ka treguar asnjehere.”

Po si ju be propozimi?

“Une nuk e di se si u be propozimi.”

Si ju be juve propozimi?

“Mua me thirri zoti Berisha nje dite te shtune dhe me tha se kish menduar te me emeroje shef te SHIK-ut. Une nuk pranova. Rezistova te them te drejten, sepse mendoja se ishte nje pune e veshtire per mua.”

Pse mendonit se ishte e veshtire?

“Kisha disa arsye qe e kundershtoja. Ne radhe te pare, une karrieren time e mendoja shkencore dhe jo politike. Ne radhe te dyte kisha femije te vegjel dhe mendoja se kishin nevoje per kujdesin tim, pasi ime shoqe ishte e vetme mund te mos e perballonte rritjen e tyre. Kisha arsye shendetesore, etj. Zoti Berisha me bindi, nese mund te them, duke me thene se nese ai nuk do te pranonte te ishte President, disa te tjere s’do pranonin te ishin kryeministra apo ministra, ne qoftese dhe une s’do pranoja te isha shef i SHIK-ut, dmth ishte kot qe u perfshime ne levizjen demokratike dhe i binte t’ua linim pushtetin komunisteve.”

Dhe ju vendoset qe te pranonit te drejtonit Sherbimin Informativ. Po, a ishit ju zoti Gazidede ne ate kohe nje nder njerezit besnike te Presidentit Berisha?

“Une nuk e di se cfare besimi kishte ai tek une, sepse ai nuk me njihte fare. Ai mund te kishte degjuar per mua ato qe ishin folur, por une besoj se z.Berisha te gjithe bashkepunetoret e tij i ka zgjedhur duke menduar se jane njerez qe e bejne nje pune te caktuar. Kjo nuk mund te krahasohet me ate qe erdhi pas meje ne Sherbimin Informativ Kombetar. Zoti Meidani qe e zgjodhi zotin Klosi si shef te SHIK-ut e zgjodhi duke u nisur nga shoqeria shume e ngushte qe ata kishin gjate punes ne Shkencat e Natyres. Kete une e di, sepse kam qene dhe une atje.”

Ju keni qene kolege me z.Meidani dhe z.Klosi?

“Po, ne nje fakultet kemi punuar. Zoti Meidani per shume kohe ka qene dhe dekan i fakultetit ku une kam qene pedagog.”

Doja t’ju beja nje pyetje qe eshte perfolur shume ne fillim te viteve ’90 kur ju erdhet ne krye te SHIK-ut. Ne ate kohe ju keni qene nje anetar i Shoqates se Intelektualeve Islamike, nese s’gaboj. Te pakten keshtu eshte thene nga shtypi. A ka ndikuar ky fakt ne emerimin tuaj ne krye te SHIK-ut?

“Ne radhe te pare dua t’ju shpjegoj se cfare ishte kjo shoqate. Une kisha disa miq qe kishin njohuri te pergjithshme per fene myslimane, ashtu sic mendojne se kisha dhe une. Mund te permend Bardhyl Ficon,mund te permend ndjese paste doktor Shefqet Ndroqin, mund te permend kunatin e Rexhep Meidanit, doktor Bylykun. Se bashku me keta, me iniciativen e Bardhyl Ficos, krijuam nje shoqate te te ashtuquajturve intelektualeve myslimane. Kjo ka qene diku ne prag te zgjedhjeve te ’92. Qellimi i kesaj shoqate ishte qe te mos te leme te gjykojne per fene myslimane ne ate kohe, me vjen keq qe e shpreh kete fjale, injorantet. Ne kuptimin qe ishin njerez te pashkolluar, ishin njerez qe edhe fene nuk e njihnin tamam. Ndersa fete e tjera kishin kuadro te pergatitur, te shkolluar, myslimanet nuk kishin dhe aq. Kjo ishte ideja themelore. Une pastaj e pashe veten ne nje mbledhje, te pare dhe te fundit qe eshte bere ne kete lloj shoqate, i zgjedhur kryetar prej tyre. Zgjedhja u be pas nje debati qe u be per perfshirjen e fese ne politike, ne ate periudhe. U hodhen zera qe feja nuk duhet te perzihej ne politike, dhe kjo eshte normale. Por, ideja ime ishte ne ate kohe se feja nuk mund te ishte indiferente ndaj komunizmit, i cili ka qene armiku me i eger ndaj fese. Flas te pakten per ne Shqiperi. Dhe mbase nje prononcim i tille me vuri ne krye te asaj shoqate. Por, deklaroj se ishte mbledhja e pare dhe e fundit qe kam mbajtur.”

A kishte lidhje mes faktit qe ju u zgjodhet ne krye te kesaj shoqate me emerimin tuaj si shef i sherbimeve sekrete?

“Absolutisht jo, asnje lloj lidhje. Absolutisht asnje lloj lidhje, madje z.Berisha dhe mjaft te tjere as mund ta dinin se ekzistonte nje shoqate e tille.”

Ne momentin qe ju moret ne dore celesat e zyres me misterioze te shtetit shqiptar, ose mund te themi se ishit trashegimtar i Sigurimit te Shtetit, cfare dinit per ate zyre?

“Une nuk dija pothuajse asgje. Kisha nje fare antipatie per Sigurimin e Shtetit ne pergjithesi. Gjate gjithe kohes nuk kam patur kontakte dhe shoqeri me asnje punonjes te Sigurimit te Shtetit. Per cudine time nuk me eshte afruar ndonjehere, ne ndonje rast, asnje prej tyre dhe keshtu qe nuk kam patur ndonje ide. Por, duke degjuar per bemat e Sigurimit, sigurisht qe kisha nje lloj antipatie.”

Cila ishte trashegimia e Sigurimit qe ju gjetet atje?

“Atje une gjeta nje personel qe ishte, mund te them, 100 % i Sigurimit te Shtetit. E ashtuquajtura reforme qe eshte bere ne ’91 kishte nxjerrje vetem nje pjese rezerve te ketij personeli prej 200 vetesh, te cilet ishin ne te njejten liste organike qe kishin qene, vetem se nuk kishin te drejte te vinin ne zyre, por e merrnin rrogen, kryetari per kryetar, shefi per shef, inspektori per inspektor, por duke qendruar ne shtepi ose duke bere cfare t’i thoshte partia.”

Ne momentin qe ju moret ne dore Sherbimin Informativ Kombetar, qe do te thote se ishin trashegimtari i pare i drejtperdrejte i Sigurimit te Shtetit, a konstatuat se Sigurimi i Shtetit ne vitin 1991-1992, sic pretendonte dhe pasardhesi juaj Fatos Klosi, kishte asgjesuar dosjet e informatoreve dhe dosjet e tij?

“Po, kjo eshte e vertete. Ne u ndeshem perballe nje fakti qe nje pjese e konsiderueshme dosjesh, mund te them nje shifer te perafert, rreth 10 mije dosje, qene asgjesuar ne ate periudhe nga Ministria e Brendshme, dhe persa kohe ishte dhe Sigurimi brenda Ministrise se Brendshme, me firmen e z. Gramoz Ruci. Ne kete shifer perfshihet dhe nje pjese e konsiderueshme dosjesh qe ishin djegur nga Irakli Kocollari, ne ate kohe shef i SHIK-ut.”

A jeni i sakte ne kete shifer z. Gazidede, se ju thate qe ishin eliminuar 10 mije dosje, nderkohe qe z. Klosi tha me shifra te peraferta se Sigurimi i Shtetit gjate gjithe kohes ka patur jo me shume se 5 mije dosje?

“Kjo eshte krejtesisht e pasakte.”

Perse eshte e pasakte?

“Eshte e pasakte, sepse do te thote se Sigurimi i Shtetit gjate nje periudhe rreth 40 vjetesh ka patur mbi 120 mije informatore.”

A jeni i sakte?

“Mund te gaboj me 5 mije.”

Pra mbi 100 mije informatore…

“Pra, mbi 120 mije informatore dhe gjykuar se cdo informator te kishte nje dosje do te mendonim se kishte rreth 120 mije dosje. Por duhet patur parasysh, sepse ne mjaft raste asgjesoheshin dhe pas nje periudhe. Ishin dosje qe pasi mbaronte aktiviteti i informatorit, ishin dosje me afat ruajtje 10 vjet –20 vjet deri ne 25 vjet. Pas kesaj periudhe asgjesoheshin. Quhej proces normal asgjesimi. Duke patur parasysh kete proces, une mendoj se ne kohen kur une kam qene drejtues ne SHIK, duke hequr dosjet qe ishin asgjesuar, ka patur mbi 40 mije dosje te Sigurimit te Shtetit.”

Cfare dosjesh kishte asgjesuar Sigurimi i Shtetit?

“Ata pretendonin se kishin asgjesuar dosjet per agjitacion e propagande dhe per tentative arratisje. Por, asgjesimi ishte selektiv dhe i qellimshem per te humbur gjurmet e veprimtarise qe kishin bere organet e Sigurimit te Shtetit. Ata pretendonin se meqenese agjetacioni dhe propoganda u hoq si figure krimi, sic e quanin ata, dhe tentativa per arratisje u hoq nga “tradheti ndaj atdheut”, ata kishin te drejte te asgjesojne keto lloj dosjesh qe ishin bere ne keto dy “figura krimi”. Sigurisht qe nje gje e tille ishte e paligjshme, sepse ato ishin pjese e historise se popullit shqiptar gjate periudhes se komunizmit. Neqoftese keto vertet u hoqen nga figura krimi, sic i quajten, ato mund te arkivoheshin. Ato nuk duhet te ishin me veprimtari ne funksion, tani e mbrapa, por jo te asgjesoheshin. Asgjesimin e kane bere ne kundershtim te plote me ligjet e asaj kohe. Me ligjet qe ata vete kishin vendosur, me rregullat dhe rregulloret qe vete kishin vendosur dhe per kete arsye une kam derguar per ndjekje penale zotin Kocollari dhe disa te tjere. Zoti Kocillari per asgjesim te paligjshem dokumentacioni u denua me 6 vjet burg, pastaj ai ka dale ne 1997 dhe une nuk di me tej.”

Ju thate se ishte bere nje asgjesim selektiv i dosjeve. Domethene kjo, qe ishin asgjesuar dhe dosjes personash te rendesishem politik?

“Une mendoj se po.”

Keni ndonje fakt ne kete drejtim?

“Une nuk kam ndermend te permend fakte, por ka fakte sa te duash per kete gje.”

C’do te thote ka fakte?

“Po, ka fakte. Neqoftese ti ke dy bashkepunetore, por le te themi se te dy jane te perfshire ne politike, qe do te thote se kane qene bashkepunetore, ne te njejtin drejtim. Neqoftese njeri ka qene per agjitacion dhe propagande dhe ti ia ke dokumentacionin, ia ben dhe publik. Ndersa tjetrit ia fshihnin dokumentacionin, ia fsheh, ia djeg, ia zhduk. I le ndoshta vetem ndonje kartele. Ky eshte asgjesim selektiv.”

Ne kohen kur ju keni marre ne dore SHIK-un, a ka patur dosje te personave te rendesishem politike te viteve 1992-1997?

“Ka patur. Jo shume, por ka patur.”

Persona te rendesishem?

“Nuk dua te komentoj ne kete drejtim. Une mund t’ju them dicka tjeter ne kete aspekt. Zoti Klosi ne nje interviste qe ka bere me juve eshte shprehur se SHIK-u, nen drejtimin tim, ka bere disa asgjesime selektive, jo me regjistrat, jo me ku di une c’kishte ai ndermend te thoshte. Une ju garantoj ju, se nuk eshte absolutisht e vertete. Nuk kam asgjesuar asnje lloj dokumenti gjate periudhes qe kam drejtuar Sherbimin Informativ Kombetar. Madje dhe dokumentet qe jane asgjesuar, jane djegur bashke me djegien e degeve te SHIK-ut, nuk kane sjelle ndonje pasoje, sepse i gjithe dokumentacioni ne kohen tone ka qene i dubluar. Dokumentacioni qe ka ekzistuar neper deget e rretheve kishte nje kopje ne qender. Pervec kesaj, dua t’ju them se marrja ne dorezim e dokumentacionit nga Sigurimi ne kohen qe kam ardhur une eshte bere me procesverbal, regjister per regjister dhe flete per flete. Te gjithe rreshtat qe ata kane fshire neper regjistra, me boje te bardhe apo te zeze, ne nje menyre apo ne ndonje menyre tjeter jane te dokumentuara ne procesverbalet e marra ne dorezim nga une.”

Pse jane fshire?

“Kete e dine ata. Njerez qe nuk deshen t’i kishim ne ne dore, qe kane qene njerez te Sigurimit te Shtetit., kane qene spiune te Sigurimit, etj.”

Ju thate qe nje pjese e dosjeve te bashkepunetoreve te Sigurimit te Shtetit jane eliminuar ne vitet 1990-1992, por nderkohe po thoni se nje regjister vazhdon te ekzistoje me emrat e bashkepunetoreve. Kjo do te thote qe nese sot dikush tenton te mesoje emrat e bashkepunetoreve, kete mund ta beje?

“Mund ta beje.”

Edhe neqoftese dosja eshte e djegur?

“Edhe neqoftese dosja eshte e djegur, kjo gje behet. Sigurisht ketu pergjegjesia eshte tjeter kund. Nuk mund te gjykosh per shkallen e implikimit te secilit bashkepunetor. Aty mund te kesh nje bashkepunetor qe nuk ka dhene asnje te dhene. Pra mund te kete pranuar te bashkepunoje me Sigurimin, por s’ka dhene asnje te dhene qe mund te demtoje nje te trete. Mund te jete nje tjeter qe ka cuar ne burg disa persona.”

Ish-ministri i Brendshem, Luan Rama, eshte shprehur dy dite me pare se dosjet e Sigurimit te Shtetit, edhe nese jane asgjesuar, ekzistojne te fotografuar ne mikrofilma. Eshte e vertete kjo?

“Kjo eshte e vertete, por une kam pasur dyshime qe ne ate kohe qe nje pjese e mikrofilmave, ne mos te gjithe, jane fshehur.”

Ju vete keni disponuar mikrofilma ne vitin 1992 kur keni ardhur ne krye te SHIK-ut?

“Po, ne disa raste kam pare mikrofilma per dosje te vecanta.”

Keni pare per dosje te vecanta, por a ekzistonin per te gjitha dosjet?

“Per dosjet e asgjesuara thuhej qe ishin asgjesuar dhe mikrofilmat. Duke patur parasysh qe mikrofilmat nuk zinin volum fare, une dyshoj se nuk jane asgjesuar, por dyshoj se jane fshehur.”

Kush mendon t’i kete fshehur?

“Une mendoj per Gramoz Rucin dhe pasardhesin e tij ne Sigurimin e Shtetit, Irakli Kocollarin.”

Ju dyshoni se Gramoz Ruci dhe Irakli Kocollari mund te kene mikrofilmat e dosjeve te Sigurimit te Shtetit, te asgjesuara?

“Sigurisht qe dyshoj, por dua te shtoj se ky eshte thjesht dyshim.”

Meqenese i’u referuam intervistes se zotit Klosi te dy javeve me pare ne emisionin “Opinion +”, ku ai eshte shprehur se ka dyshime se dosjet e kunderzbulimeve te Sherbimit Shqiptar me UDB-ne, ishin ne dore te UDB-se…

“Une nuk e di se nga i ka nxjerre keto konkluzione zoti Klosi. Neqoftese kjo eshte e vertete, atehere duhet te kene ndodhur ne kohen e zotit Klosi, sepse ne kohen time nuk kane ndodhur dhe per kete jam i sigurt. Neqoftese une do te isha ne dijenine e Klosit dhe do te kishte ndodhur kjo qe thote zoti Klosi, une do ta kisha cuar per ndjekje penale pa asnje lloj hezitimi.”

Kur keni qene ne krye te SHIK-ut, a keni patur dosje te kunderzbulimit te UDB-se dhe te trasheguara edhe nga sherbimi i zotit Klosi?

“Sigurisht dhe jane ruajtur me fanatizem dhe eshte bere ajo qe nuk ishte bere per nje kohe te gjate, jane ruajtur ne ambiente me kondicionere sipas te gjithe rregullave te arkivave, rregullave bashkekohore behet fjale, ne qellim qe ai dokumentacion te ishte ne ruajtje te perhershme.”

A keni bere ju, si shef i SHIK-ut, ose persona te angazhuar nga ju, presione me dosjet e personave politike?

“Une nuk kam bere asnje presion ndaj asnje personi dhe nuk kam autorizuar asnje person te beje presion.”

Jeni te sigurte se dosja nuk i eshte tundur ndonje politikani per ta bere ate…

“Jam i sigurt. Asnjehere.”

Nuk ia keni bere as deputeteve te opozites?

“Kurre.”

Gjithsesi, ne ate kohe qe ishit ne krye te SHIK-ut, a ishit ne dijeni te personave, politikaneve te rendesishem, qe ishin me dosje?

“Disa gjera mesoheshin dhe automatikisht aty. Une nuk eshte se kam bere ndonje studim per kete problem. Ne si Sherbim Informativ jemi perfshire, kam pershtypjen, ne prag zgjedhjesh te vitit 1996, per verifikimin e atyre figurave qe do te kandidonin per deputete te Kuvendit dhe ky ishte nje proces ligjor.”

C’model perdoret ju per te ngritur SHIK-un pas Sigurimit te Shtetit?

“Ne kemi perdorur modele te sherbimeve perendimore.”

Qe do te thote..

“Une kam pas punuar me mjaft sherbime perendimore, vende anetare te NATO-s, kam marre modele prej tyre dhe jam munduar t’i aplikoj ne ndertimin e sherbimit.”

Cili ishte objekti kryesor i punes tuaj?

“Ishte mbrojtja e Kushtetutes.”

Qe do te thote?

“Qe do te se duhet te mbrohej vendi nga cdo veprim antikushtetues, qofte i brendshem, qofte qe mund ta kercenonte dhe nga jashte vendit.”

A quhej mbrojtje e Kushtetutes dhe pergjimi, ndjekja apo qofte dhe represioni ndaj opozites se kohes?

“Ne nuk e kemi pergjuar, as e kemi ndjekur dhe as qe kemi bere represion ndaj opozites se asaj kohe. Une duhet t’ju them zoti Fevziu se opozita e asaj kohe, qe ishte nje parti pushtetare gati 50 vjecare, e la pushtetin ne nje kohe qe mendonte se nuk mund ta mbante me pushtetin. Dhe, sigurisht ata kishin nje eksperience 50 vjecare ne propogandistike. Dhe, ata propaganden nuk e ndalnin per asnje cast. Sipas meje, qellimi i atyre per propaganden ishte te tregonin se demokracia eshte anarki, ne demokraci gjithkush mund te beje cfare t’i doje qejfi, prandaj diktatura nuk eshte dhe aq e keqe. Ata perpiqeshin te tregonin se vertet Enver Hoxha ishte diktator, por cdo udheheqes ne Shqiperi mund te behet diktator, se edhe Sali Berisha ishte njefare diktatori. Ata perpiqeshin te tregonin se vertet Sigurimi i Shtetit kishte qene nje organ represiv, por ne fund te fundit dhe SHIK-u ishte si Sigurimi i Shtetit.”

Ne fakt po e imitonit ju Sigurimin e Shtetit?

“Aspak.”

A ishit vene ju p.sh ne pergjim te numrave te telefonit te pjesetareve te opozites se asaj kohe? Ka patur disa denoncime ne Parlament.

“Ato ishin ose disa fantazi te semura, ose pastaj te qellimshme. Ne ate kohe Sherbimi Informativ Kombetar nuk pergjonte pervecse, eshte gabim te thuhet, disa dhjetera telefona. Nuk duhet te permend shifra, por as dhjetera nuk ishin mundesite e SHIK-ut per te pergjuar telefona. Dhe kur dilnin njerez qe pretendonin se mua me pergjojne telefonin, dhe mua me ndjekin ketej e andej, mua me vinte per te qeshur ose deshperohesha se si ka mundesi qe keta njerez te shpifnin ne menyre kaq monstruoze.”

Gjithsesi a ka patur njerez te SHIK-ut qe ndiqnin nga pas ose sillnin raport per levizjet apo aktivitetin e personave te opozites?

“Te opozites jo, por persona qe mund te ndiqeshin per arsye qe i ndiqte SHIK-u ne perputhje me ligjin qe kishte Sherbimi, sigurisht qe ka patur.”

Po ju sjell nje rast. Ne nje nga intervistat e tij ku ka rrefyer per aktivitetin e tij politik ne vitet 1996-1997, zoti Ruci eshte shprehur se eshte ndjekur hap pas hapi nga punonjesit e SHIK-ut deri ne momentin qe u largua per ne Greqi.

“Zoti Ruci ka qene ne nje proces hetimor ne ate periudhe, nese do ta dini ju. Zoti Ruci mund te kishte pesuar fatin e zotit Kocollari per asgjesimin e dokumentacionit ne Ministrine e Brendshme. Ai perfitoi nga rasti qe ishte me imunitet dhe sapo i perfundoi imuniteti iku ne Greqi. Por ne nuk kishim arsye ta ndiqnim zotin Ruci persa kohe ishte me imunitet. Ato jane sajesa te zotit Ruci.”

A keni pasur ju bashkepunetore ne radhet e opozites?

“Jo. E them me pergjegjesi.”

A kishit ju lidhje ose a kishit ju interferenca me regjimin politik te kohes?

“Jo nuk kishim asnje lloj interference. Ne e kishim te ndaluar me ligj per te nderhyre ne partite politike dhe me deget e tyre ne rrethe.”

Si shpjegohej atehere qe media dhe pothuajse e gjithe opozita shqiptare ju akuzonte vazhdimisht per interference?

“Une po them qe ishte qellimi i tyre te paraqisnin Sherbimin Informativ Kombetar te ngjashem me Sigurimin e Shtetit. Dhe, ate hijen e zeze te Sigurimit te mund t’ia jepnin dhe kalonin SHIK-ut.”

Ju jeni ne dijeni, madje dhe vete gazetaret ju kane pyetur lidhur me zhdukjen e biznesmenit kosovar z.Remzi Hoxha, i cili eshte zhdukur ne vitin 1995, madje thuhet se eshte marre nga dy makina te SHIK-ut. Eshte deklaruar se ai eshte vrare, ose ka mbetur i vrare pas torturave te punonjesve te SHIK-ut ne zonen e Lezhes. Si eshte ky rast dhe c’ju thote ky emer?

“Ne vitin 1995 kur ka ndodhur zhdukja e ketij biznesmeni ka patur nje shkrim ne ‘Gazeten Shqiptare’ fillimisht, pastaj eshte akuzuar SHIK qe atehere. Qe ne ate rast une kam vene ne levizje dy drejtori ne SHIK qe te ndjekin kete problem dhe nese kishte ndonje baze per akuzat qe i beheshin Sherbimit. Nga hetimi qe u be nga ne, per te cilin duhet te ekzistojne dhe dokumente, ne kundershtim me ate qe thote zoti Klosi, del se nuk kishte ndonje perfshirje te punonjesve te SHIK. Zoti Klosi doli dhe akuzoi publikisht SHIK-un. Ai tha se une kisha dijeni qe ai kishte dijeni. Tha se ai e dinte qe une e dija, madje ai tha se e dinte qe mund ta dinte dhe zoti Berisha. Ajo qe thote Klosi eshte nje shpifje e paster. Neqoftese prokuroria ka bere hetime per kete problem, ka arrestuar njerez te cilet jane lene te lire si te pafajshem. Ne nje rast te tille kur perfshihet drejtesia ne nje proces nuk ka me vend per komente dhe per perrallat qe tregon zoti Klosi. Une nuk e kuptoj se si zoti Klosi e thote, edhe pse nuk ka fakte, qe e ka bere SHIK-u. Megjithese nuk ka prova, ai thote se e di zoti Gazidede. Nuk mund te flase shefi i sherbimit sekret ne menyren sic flet Klosi. Me thane se ne “Top Channel” vellai i Remzi Hoxhes kish thene se me ka cuar ketu ose atje zoti Klosi, duke me prezantuar si punonjes te SHIK-ut. Ky eshte nje abuzim i paster me detyren dhe z.Klosi e ka bere kete thjesht per arsye politike. Dhe deklaratat e zotit Klosi jane thjesht politike.”

Por cka ndodhur me biznesmenin Remzi Hoxha?

“Sigurisht qe po ta dija do ta kisha zgjidhur qe atehere.”

Pra ju po thoni se SHIK nuk eshte i perfshire ne eliminimin ose te pakten ne marrjen peng te tij?

“Me kaq dijeni sa kam une, jo.”

Eshte vertetuar se makinat kane qene me targat e SHIK-ut.

“Targat per mua nuk tregojne asgje. Po ju permend rastin kur shpertheu automjeti prane VEFA-s ne 1996. Ne gjetem targat e kryetarit te nje rrethi verior. Dhe kjo s’tregon asgje. Targat prodhoheshin ne uzinen metalike te Gjirokastres dhe kundrejt nje ryshfeti merrje cdo lloj targe atje. Targa nuk eshte asnje lloj treguesi.”

Prokuroria e Pergjithshme ka deklaruar se te tre te pandehurit qe u moren per kete ceshtje, kane deklaruar se e kane rrembyer personin, por nuk dine me fatin e metejshem te tij?

“Une nuk di neqoftese ata kane bere nje deklarate te tille. Nese ata e kane bere nje deklarate te tille, le ta gjejne ata.”

A jeni ju i perfshire ne eliminimin dhe zhdukjen e biznesmenit Remzi Hoxha?

“Absolutisht jo.”

A keni qene ju ne dijeni te ketij rasti qe ne vitin 1995?

“Kam qene ne dijeni per akuzat qe u bene. Me ka thirrur zyrtarisht z Arbnori per te thene se cfare dinim ne per kete rast. Dhe ne i kemi kthyer pergjigje zyrtare z.Pjeter Arbnori per aq sa dinim ne. Perseri me ka derguar leter dhe Ali Spahia. Dhe ai ka marre pergjigje zyrtare dhe nuk eshte e vertete qe Spahia u ka thene familjareve se e ka SHIK-u dhe do t’jua japi sot, do t’jua japi neser, sepse s’kishte si e thoshte kete zoti Spahia kur nje gje e tille nuk eshte pohuar nga SHIK. Mua me vjen keq per ata familjare, ata kane humbur vellain, te dashurin e tyre, babain e tyre, por kjo nuk do te thote se ata mund te akuzojne ke te duan, ke t’u dale perpara. Kjo nuk do te thote se zoti Klosi duhet te dale perpara kamerave dhe te shpife, pasi ai se ka dhe per here te pare qe shpif.”

Mediat kane permendur faktin se i fundit qe ka patur kontakte, e ka pare ose ka biseduar me z.Remzi Hoxha ka qene z.Kumbaro qe aktualisht ndodhet ne Britanine e Madhe. A keni dijeni se kush eshte ky person dhe a ka qene efektiv i SHIK-ut?

“Po ka qene efektiv. Ai ka qene ish-oficer i Sigurimit te Shtetit me nje stazh te gjate pune, ka punuar dhe ne SHIK. Pas nje fare kohe ky ka dale ne lirim, sic i nxirrnim ne ish-oficeret me nje fare rroge per 2 a 3 vjet, nje rroge e krahasueshme me rrogen e mesuesit te asaj kohe.”

Si shpjegohet qe zhduket nje biznesmen ne mes te Tiranes, nje person qe ka patur mjaft interes nga mediat dhe nga familjaret, dhe nuk gjendet asnje gjurme e tij?

“Nuk ka qene ndonjehere objekt i punes se SHIK-ut te merret me personat e zhdukur. Keto ishin probleme te policise dhe nuk kishin pse ishin probleme te SHIK. Se dyti, gjate kesaj periudhe nuk eshte rasti i pare qe ndodhi. Gjate periudhes qe une s’kam qene ne Shqiperi jane vrare ne mes te Tiranes biznesmene te fuqishem, jane rrembyer ne mes te dites dhe rasti i z.Hoxha nuk eshte rasti i vetem. Mua me habit fakti, se pse per kete rast behet zhurme sa here afrohen zgjedhjet, ose sa here qe ka ndonje qellim politik. Kjo me habit. Eshte e drejte e familjareve te kerkojne te afermin e tyre, e drejta e medias te interesohet, por nuk mund te akuzohen njerez pa fakte. Kete te drejte s’e ka askush.”

Prokuroria e Krimeve te Renda ka deklaruar se ka rihapur ceshtjen dhe se nje nga personat qe do te thirret per te dhene shpjegime do te jeni dhe ju. A jeni i gatshem per te dhene shpjegime?

“Une nuk e di se cfare ka ndermend Prokuroria e Krimeve te Renda. Eshte pune e tyre nese e hapin ceshtjen ose nuk e hapin, eshte pune e tyre nese me therrasin ose jo. Une perderisa jam kthyer ne Shqiperi, jam kthyer dhe jam ne gjendje te perballem me cdo lloj akuze qe ngrihet ndaj meje.”

Nuk keni frike nga kjo ceshtje ose ceshtje tjera qe mund te hapen per ju?

“Cfare frike? Une nuk e ndjej veten te jem i implikuar ne asnje sherbim te kunderligjshem. SHIK ka punuar ne baze te nje ligji qe eshte i aprovuar ne vitin 1991. Sherbimi nuk punon me direktivat e Byrose Politike sic ka punuar Sigurimi i Shtetit. Cdo njeri qe ka punuar ne SHIK firmoste se ka qene person depolitizuar, qe e njihte ligjin, etj etj. Dikush qe e ka shkelur ligjin, ai raportohej te eproret e tij dhe penalizohej me verejtje apo dhe deri largim nga puna. Neqoftese shkelja e ligjit eshte flagrante, ai mund te kete marre dhe denimin.”

A keni patur lidhje ose raport ju si SHIK me levizjet ilegale ne Kosove?

“Ke quani ju levizje ilegale ne Kosove, a mund te ma sqaroni…”

Ka patur nje sere levizjesh brenda Kosoves qe nga viti 1992 e ne vazhdim.

“Ne nuk kemi patur asnje lloj lidhje me organizata qe kane patur ndonje veprim me arme. Ne kemi patur porosi te prere qe nuk duhet te beheshim shkas per ndonje nxitje te ndonje lufte ne Kosove. Ne kete aspekt nuk kemi patur asnje veprimtari konkrete.”

A keni futur arme ne Kosove z.Gazidede. A ju ka qelluar?

“Ne nuk kemi futur asnjehere arme, per aq kohe sa kam qene une ne krye te SHIK. Ka tentuar te fuse arme Irakli Kocollari perpara meje dhe jane kapur nja 70 arme ne kufi, bashke me ata qe i kishin armet. Jane gjykuar ne Kosove nga serbet dhe ne kemi patur fatin te kemi ne dore deponimet e ayre qe ishin te burgosur per kete qellim.”

Si u vune ne dispozicion?

“Na i sollen kosovaret. Kishin dale nepermjet avoketerve te tyre dhe na i sollen ne Shqiperi. Morem vesh se cfare kishin pohuar atje per kohen qe kishin qene ne Shqiperi. Kjo veprimtari e z. Kocollari ka qene e paligjshme. Sipas meje, ai kish bere nje veprim pa u konsultuar me qeverine e asaj kohe.”

Mund te quhej nje veprim patriotik?

“Nese mund te quhet patriotik, patriotizmin nuk kishte pse e bente z.Kocollari pa dijenine e qeverise. Ishte atribut i qeverise ne ate kohe. Z.Kocollari ishte pjese e qeverise, por s’mund te bente veprime te tilla. Une mendoj se nga njera ane ai deshi ta tregonte veten patriot dhe nga ana tjeter deshi te thoshte se qeveria e PD eshte nacionaliste dhe e rrezikshme.”

A keni patur raporte me UDB-ne?

“Nese une do te isha ne nje studio dhe nuk do te kuptoja qe kjo pyetje ishte pa ndonje qellim te keq dhe do te nervozohesha. Nuk ka ofendim me te madh per nje shqiptar, as per me teper per nje ish-drejtues te sherbimit sekret te kete lidhje me serbet, armiqte tradicionale te shqiptareve.”

Po sherbimi juaj?

“Sherbimi yne nuk mund te kete asnje lloj lidhje me jugosllavet, sepse qellimet tona ishin te kunderta. Nuk kishim asnje pike te perbashket. Eshte ndryshe sot gjendja ne Ballkan, ndoshta shume para ne Ballkan mendojne per paqen. Jugosllavia mendonte ne ate kohe per lufte ne Ballkan, ndersa ne nuk ishim per lufte.”

A keni patur ju nje kontakt apo takim te drejtperdrejte me njerin nga personat me famekeq te paramilitareve, me Arkanin? Ka nje akuze nga nje ish-minister se ju jeni takuar me Arkanin, fillimisht ne Peshkopi dhe me pas nje takim i dyte ne Tirane, ne hotel Dajti.

“Une e kam degjuar kete lloj shpifje. E kuptoj qe per nje opozitar, ne vendin tone njerezit nuk jane dashamires dhe mund te shpifin. Ndoshta quhet normale shpifja. Por te arrij shpifja deri atje sa ta cenosh ne dinjitetin kombetar, me duket monstruoze. Une kam patur rastin te takoj ne rruge zotin Luan Rama, ose me sakte ai deshi te me jepte doren dhe une ia thashe kete gje. Megjithese ai kish dale e kish thene kete gje ne televizion, mua me tha se nuk eshte e vertete se e kam thene une, e ka thene z.Klosi. Por, si ai, si zoti Klosi, duhet te kene turp te akuzojne nje shqiptar per te tilla gjera.”

A eshte e vertete, sic kane shkruar mediat, se SHIK ka parandaluar nje atentat ndaj Gligorovit?

“Jo nuk eshte e vertete.”

Desha t’ju bej disa pyetje me ate qe quhet arrestimi i “te pesteve”. Behet fjale per arrestimin e pese minoritareve ne jug te vendit. A keni ju dijeni per kete arrestim dhe a keni qene ju iniciatori i tij?

“Qe kam patur dijeni per arrestimin eshte nje gje krejt normale. Ata kishin veprimtari antikushtetuese dhe per nje veprimtari antikushtetuese u arrestuan dhe u denuan. Ketu gjykohet shpesh per anen politike te problemit, por ana politike nuk i perket SHIK-ut, por politikaneve. Ne nuk kemi bere asnje veprim te paligjshem. Arrestimin s’e kemi bere ne, por ne kemi propozuar arrestimin e tyre. Arrestimi eshte bere ne baze te te gjitha normave, madje pervec firmes se Prokurorise se Pergjithshme ne kemi patur dhe firmen e zotit Brozi per kontrollin e banesave te atyre personave dhe per kontrollin e zyrave te OMONIA-s.”

Z. Brozi eshte shprehur publikisht se ju keni bere presion qe keta persona te denoheshin kur gjykata i shpalli lirimin e tyre.

“Kjo nuk eshte e vertete, sepse nuk kisha asnje arsye t’i beja presion z. Brozi. Aq me teper nuk mund te beja presion, pasi dhe vendimi ishte marre.”

Cilat kane qene marredheniet tuaja me zotin Meksi, ne ate kohe Kryeminister?

“Une mendoj se kam patur marredhenie normale, nuk e di se cfare marredhenie ka patur me mua z.Meksi.”

Z.Meksi eshte shprehur pak kohe pas largimit tuaj se ne levizjet 1996-1997 ju ushtronit mjaft ndikim mbi zotin Berisha, Eshte e vertete?

“Zoti Berisha nuk eshte nje njeri qe ndikohet nga nje person ose nga nje tjeter. Zoti Berisha ka nje mendim krejt te pavarur, ka nje veti qe degjon shume vete dhe ben si di vete. Une nuk shquhesha per dhenie keshillash. Mund te kem dhene thjesht mendimin tim kur me eshte kerkuar.”

A jeni ju ne dijeni te faktit qe nje deputet i opozites dhe nje publicist i njohur jane goditur publikisht ne ate kohe ne Tirane, Ndre Legisi dhe Edi Rama. A keni qene ju i perfshire ne goditjen e tyre?

“Sigurisht qe i kam degjuar, sepse une ketu kam qene ne ate kohe, por me indinjon fakti se cdo gje qe ndodhte ne Shqiperi, dhe per krimin me ordiner, akuzohej SHIK-u. Ndoshta nje nga te metat e mia ka qene qe nuk kam bere asnje dalje publike qe te pergenjeshtroj fakte te tilla. Megjithate jo cdo akuze e kam lene te kaloje ne heshtje. Une kam cuar per ndjekje penale ne ate kohe shume shpifje qe jane bere ne media. Dhe pothuajse kemi fituar te gjitha ceshtjet. Kam patur raste qe eproret me kane detyruar te terheq akuzat per arsye qe i dine ata.”

Kush i ka goditur keta persona shume te rendesishem per kohen?

“Sigurisht une nuk i di dhe nuk ishte detyra ime ta dija.”

A duhet te merreshit me hetimin e kesaj ceshtje?

“Jo nuk besoj. As eshte marre dhe as duhej te merrej.”

SHIK duket se kishte informacion mjaft te mire per gjithcka ndodhte ne Shqiperi. A ishte ne dijeni te faktit se disa firma piramidale po ngriheshin me mjaft shpejtesi ne vitet 1995-1996?

“Sigurisht, qe ne hapat e pare.”

A keni informuar eproret tuaj?

“Kemi denoncuar dhe jane denuar disa drejtues te nje firme qe filluan per here te pare ne Selenice te Vlores. Ndoshta e para e kesaj natyre, qe mblidhnin paret e qytetareve dhe i thoshin se do na vijne ca para nga Nigeria dhe t’ua jepnin dy apo tre fish. Dy prej tyre kane qene dhe kosovare qe ne ate kohe kishin blere kendin e lojerave ne Tirane. Madje nje gazete e asaj kohe me ka akuzuar mua se punoja per UDB-ne se ishte arrestuar nje deputet i Parlamentit te Kosoves pa i hequr imunitetin. Ne kemi bere problem, pothuajse te gjitha firmat piramidale te asaj kohe, shume kohe perpara se ato te agravoheshin.”

A u moren masa ndaj tyre kur ju keni informuar per rrezikun qe ato paraqisnin?

“Une kete nuk e di, sepse nuk i perkisja ekzekutivit. Une e kam ngritur zerin dhe besoj se e kam ngritur fort. Une kam bere me dijeni te gjitha institucionet e mundshme qe ishin ne ate kohe ne Shqiperi. Mund te them se kam informuar dhe drejtorine e doganave dhe nuk e di pse e kam bere kete, kam informuar tatimet, ministrine e Financave dhe ministrine e Brendshme dhe Prokurorine e Pergjithshem, Banken Kombetare, etj.”

Keto ishin piramida te mirefillta apo proces pastrimi i parave?

“Une mendoj se kane qene piramida te mirefillta. Ne periudhen e fundit ka patur perpjekje per pastrim parash por mendoj se ka qene perpjekje qe nuk u materializua ndonjehere.”

Kush i organizoi keto, sipas jush?

“Nuk dua te hyj ne hollesira, por eshte fakt qe rreth 70 % e personelit qe kane punuar ne keto firma kane qene ish-punonjes te Sigurimit te Shtetit dhe oficere.”

Kush i organizoi?

“Se kush i organizoi, keshtu legalisht dihet kush jane pronaret por mendoj se ne kete mes ka patur dhe strategji. Une nuk kam ndermend te flas kush e ushqeu kete strategji.”

Ku kane shkuar parate e firmave, a keni dijeni?

“Po nje pjese e mire jane shperdoruar nga vete drejtuesit e firmave per jete luksoze, per te blere apartamente, vila, helikoptere, etj. Nje pjese kam pershtypjen se mund t’i kene tjetersuar me persona te tjere te aferm me lidhje te ngushta familjare, shoqerore apo miqesore. Une mendoj se kur ne vendosem t’i bllokonim firmat, shqiptaret kishin marre gjysmen e parave te depozituara. Ne disa firma ndoshta dhe me shume.”

Gjate kesaj kohe qe i kishit nen vezhgim, a ka patur tentativa per lidhje mes firmave piramidale dhe organizatave kriminale nderkombetare?

“Mendoj se ka patur tentativa, por nuk besoj lidhje te ngushta.”

A ka patur politikane qe kane patur lidhje financiarisht me keto firma?

“Sigurisht. Mjaft ka pasur.”

Kush kane qene keta?

“Nuk kam ndermend te permend emra.”

Po ju personalisht a keni perfituar?

“Jo asgje.”

Po gjate kohes qe keni qene shef i SHIK, a keni perfituar ekonomikisht?

“Une kam nje shtepi. E gjithe pasuria ime sot eshte nje apartament me nje siperfaqe 100 m2. Kam dorezuar nje apartament te vjeter dhe mora kete duke shtuar dhe nje pjese te parash.”

Ne media ka qarkulluar vetem nje foto e juaja gjithe keto vite. Pse kaq pak protagonist ne te?

“Une mendoj se edhe sot ate mendim kam qe sherbimet sekrete perderisa quhen dhe te tilla nuk kane pse dalin publikisht dhe flasin cdo jave. Mendoj se nuk eshte kjo figura e nje shefi sherbimesh. Mendoj se dhe veprimet e sherbimit duhet te jene sekrete. Duhet te kete organizma qe t’i kontrollojne qe te mos jene jashte kontrollit, por nuk mendoj se duhet te jene publike punet e sherbimit sekret.”

Gjate kohes qe ju keni qene ne krye te SHIK, gjate kohes ‘92-’97, a ka patur aktivitet te terroristeve islamike ne Shqiperi?

“Me preket nje ceshtje qe me ka shqetesuar. Akuzat ndaj meje kane qene te pabaza dhe dashakeqese. Dhe me duket me orkestrimin e mediave te majta ne Shqiperi. Shume media kane deformuar tonet e mia sic i ka leverdisur. Nuk eshte kjo qe me shqeteson. Mua me shqeteson dashakeqesia. Nqse une kam qene kryetar i nje shoqate, qe une kam qene ne mbledhjen e themelimit te saj, e cila ka qene e para dhe e fundit mbledhje, dhe kam qene me persona te nderuar qe ju permenda dhe me siper. Nuk thuhet asnje fjale per kunatin e z. Meidani, por une akuzohem. Kjo nuk me duket normale. Ne Shqiperi ka patur mjaft shoqata islamike nese ju kujtohet. Por une dua te terheq vemendjen ne dicka qe mund te jete interesante. Ne mos 100%, mbi 90% e ketyre shoqatave kane ardhur ne Shqiperi gjate vitit 1991 kur PD s’ka qene ne pushtet dhe une s’kam qene ne krye te SHIK-ut. Sot mund te gjeni ne Kryeministri nje raport 200 faqesh dhe nje analize te te gjitha shoqatave islamike qe kane vepruar ne Shqiperi me propozime konkrete.”

Kush e ka hartuar raportin?

“Sherbimi qe kam drejtuar une.”

Ne cilin vit?

“Ne periudhen ‘92-‘96. Ky raporti i fillimit te vitit 1996. Me propozime konkrete. Kjo shoqate duhet mbyllur, ky duhet perzene, ky non grata etj.”

Ka patur persona te rrezikshem islamike qe kane operuar ne territorin shqiptar?

“Po ka patur dhe per kete eshte bashkepunuar me sherbime te tjera. Une mendoj se keta persona kane gjetur ne Shqiperi nje strehe, me teper t’i shmangeshin sherbimeve te vendeve te tyre. Por kjo nuk na ka lene qe ne te mos merreshim me ta. Dhe une qe paskam qene mysliman i rrezikshem, kisha organizuar nje segment shteteror qe merrej me kete pune dhe qe shkembeja informacione me sherbimet sekrete perendimore per kete problem.”

A i keni informuar ju sherbimet sekrete perendimore per rrezikshmerine e ketyre personave?

“Kur them une se kemi ngritur nje sektor te posacem per kete pune, ne kemi ngritur nje sektor ne bashkepunim me nje sherbim perendimor, nuk dua te permend emer. Te gjithe personat qe kane punuar aty jane stervitur prej tyre, jane mesuar prej tyre dhe informacioni eshte shkembyer me perfaqesues te vendeve te NATO-s.”

Personat qe ndodheshin ne Shqiperi ishin terroriste te thjeshte apo ishin koka te organizatave terroriste?

“Nuk besoj se ka patur koka te themi ne nivelin e Bin Ladenit, por themi se ka patur persona te inkriminuar ne veprimtari terroriste ne disa vende dhe te Europes. Dhe per kete qellim kane qene vene ne dijeni vendet perkatese.”

Ka qene apo jo Osama Bin Laden ne Shqiperi?

“Po te kish qene do te ishte arrestuar, sepse ne e njihnim fare mire Bin Ladenin.”

Nga e njihnit?

“E njihnim nepermjet sherbimeve sekrete perendimore qe interesoheshin.”

Te cilat ishin ne ndjekje te tij?

“Sigurisht.”

Dhe ne Shqiperi nuk eshte gjendur asnje gjurme e Bin Ladenit?

“Absolutisht jo. Ne dinim fare mire, e dinim periudhen kur Bin Laden ka qene ne Sudan dhe ku ishte Bin Laden. Domethene kemi qene te interesuar, sepse interesoheshim per lidhjet qe ai mund te kishte ne Shqiperi.”

Kishte lidhje ne Shqiperi?

“Nuk na ka rezultuar ndonje lidhje e drejtperdrejte e tij ne Shqiperi. Mendohej nga disa kolege qe nepermjet disa formave te ftohej ne Shqiperi dhe te arrestohej, por sigurisht ishte nje fantazi kjo.”

Ka patur nje koment ne shtypin e 6 viteve me pare, qe shenonte faktin se Bin Laden ka qene ne Shqiperi dhe se ju jeni takuar me te ne nje shtepi prane perroit te Zaranikes ne Elbasan?

“Nuk jam ne dijeni as te kesaj akuze, por nuk me cudit fakti, pasi e di qe nuk kane lene asgje pa shpifur dhe do e konsideroj shpifje te radhes.”

C’raporte keni patur ju me sherbimin sekret amerikan?

“Raporte normale. Dy sherbime mike. Une e kam vizituar dhe pas vizites time me eshte kthyer vizita nga drejtori i CIA-s i asaj periudhe. Njekohesisht kam patur marredhenie normale me ta, kemi shkembyer informacione dhe kam marre dy letra falenderimi nga dy ish-drejtore te CIA-s per kontributin qe sherbimi yne ka dhene ne luften kunder terrorizmit.”

Ne cilat fusha bashkepunonit me shume?

“Kryesisht ne sherbimin antiterrorist.”

A e keni njohur ju Xhorxh Tenet?

“Jo nuk e kam njohur.”

A keni qene ne dijeni te aktivitetit te tij ne Shqiperi?

“Nuk dua te komentoj.”

Mendoni se ka patur dore ne ngjarjet e vitit 1997?

“Nuk dua te komentoj. Nuk eshte rasti.”

Botuesi i “Koha Jone” ka kerkuar ne prokurori hapjen e dosjes per djegien e gazetes me 2 mars 1997. Madje ai thote se e ka bere kete kerkese qe nga momenti kur ju jeni kthyer ne Shqiperi.

“Eshte e drejta e zotit Lesi te beje cfare deklarate te doje.”

E dini c‘ka ndodhur me 2 mars 1997 ne redaksine e “Koha Jone”?

“E kam marre vesh pasi eshte djegur, por s’kam ndonje gje interesante per te treguar per kete, pasi ajo ishte nje periudhe kur ne kishim probleme me te medha se kjo.”

A eshte implikuar SHIK ne kete djegie?

“Jo. I mohoj kategorikisht.”

Ishit ne dijeni ne vjeshten e vitit 1996, ose te pakten a kishit marre informacione qe situata ishte ne eksplodim e siper per arsye te mbledhjes se shume parave ne firmat piramidale?

“Po, dhe une kam informuar. Duhet te dallojme dicka. Kam degjuar mjaft personazhe qe mundohen t’ia hedhin fajin njeri-tjetrit. Une mendoj se kam me pak pergjegjesi, sepse e kam ngritur zerin. Nuk e shkarkoj veten nga pergjegjesia, te kisha dale dhe te kisha dhene doreheqjen.”

A e besonit se situata do shperthente?

“Jo vetem e besoja, por edhe e kam shkruar nje gje te tille.”

E keni vene ne dijeni administraten e kohes?

“Besoj se po.”

A mendonit se ne 1996 kishte ende kohe per te marre masa per te parandaluar kete fenomen?

“Po kishte kohe.”

Pse nuk ndodhi?

“Nuk dua t’i hyj kesaj historie. Por kam qene i vendosur te mbylleshin firmat dhe ne nje fare menyre per ta deshmuar kete qendrim timin cova per ndjekje penale firmen “Xhaferri” dhe fitova gjyqin e shkalles se pare. Ceshtja shkoi ne shkallen e dyte dhe kundrejt nje ryshfeti u luajt me dosjet. Gjykata e Apelit nuk kishte dosje per gjyqin, gjykata shkalles pare tha se nuk e kemi dosjen dhe per cudi ne kohen qe une nuk kam qene ne Shqiperi degjova qe ishte mbyllur firma “Xhaferri”. Per mua ka qene problemi shume i qarte qe une kam bere me teper se sa me takonte.”

Mendoni se keto firma u toleruan per te shuar zhurmen qe vinte nga zgjedhjet e kontestuara te majit 1996?

“Edhe mundet. Une kam patur nje mik timin, gazetar ne opozite, dhe me te diskutonim per firmat. Dhe me shoket kur pyesnin i thosha paret te shtohen ne xhepin tend dhe s’kane pse shtohen ne xhepin e “Xhaferrit”. Une i kam thene se meqenese pozita s’po e ben punen si duhet, bejeni ju opozita, shkruajeni te gazeta juaj qe firmat jane te rrezikshme. As ata nuk e bene. Pozita dhe opozita kane te njejten pergjegjesi. Vec kesaj dhe ata qe e quajne veten profesore te ekonomise dhe ata duhet ta benin. Pasi ndodhi thane te gjithe pse s’u be kjo, pse s’u be ajo.”

A kishin lidhje politike keto firma piramidale?

“Nuk e them dot se ato kishin lidhje, por politika mundohej t’i shfrytezonte per nevojat e veta.”

A eshte perfshire SHIK ne rrahjen e deputeteve te opozites ne 28 maj 1996?

“Jo nuk eshte perfshire SHIK.”

Ne shkurt 1997, madje qe ne janar ne Lushnje, dhe me pas ne Vlore filloi protesta. E kuptonit ju, qe mbrojtje te Kushtetutes, duhet te vinit ne dijeni eproret se situata mund te agravohej dhe me keq. A i vute ne dijeni eproret per kete?

“Po, besoj se nuk ishte e veshtire te kuptohej kjo.”

U shqetesuat qe s’po merreshin masa per zgjidhjen e problemit?

“Nuk them se s’po merreshin masa, por situata po ikte nga dora dhe s’ishte e thjeshte. Kishte dy menyra, duke shpresuar se mund te rregullohej keshtu dhe ashtu.”

Ju personalisht ne cilen pjese jeni?

“Nuk dua te komentoj per kete.”

A ishit ju ne favor te vendosjes se gjendjes se jashtezakonshme qe ne fillim te muajit shkurt?

“Besoj se po.”

Per cfare arsye?

“Per te vendosur rendin dhe qetesine.”

A e ka provokuar SHIK-u ose pjesetare te SHIK te deges se Vlores greven e urise se studenteve vlonjate naten e 28 shkurtit 1997?

“Absolutisht jo, ne asnje rast, ne asnje moment. Nuk ishte ne interesin tone ta benim nje gje te tille. Ata ishin njerez te irrituar qe dilnin perdite ne miting, qe flisnin kunder qeverise me nje urrejtje patologjike. Kuptohej qarte se nese do t’i ngacmoje ata njerez, do kishte pasoja. Thuhej se punonjesit e SHIK-ut shkuan i ngacmuan, nje furgon i bardhe qarkullonte ne ate kohe. Furgonin e bardhe ata e kishin ne dore ta kapnin, te gjenin targat, te gjenin nga erdhi nga s’erdhi. U fol per furgon te bardhe, por nuk u gjet asnjehere ky furgon i bardhe. Ato ishin te gjitha te stisura ne menyre qe te goditej edhe i vetmi institucion qe kishte mbetur akoma ne kembe, SHIK-u. Mund t’u them dicka interesante qe s’e kam thene asnjehere me pare: kane qene nja dy deputete te opozites ne kohe duke vizituar ata te greves se urise ne Vlore dhe atje kane pare mitroloza 12.7, kallashnikove, granat-hedhes, se si ishin te armatosur ata qe ruanin greven e urise dhe ata ishin te tmerruar se nuk e dinin qe grabitja e armeve kishte filluar shume kohe me pare.”

Po ju a ishit ne dijeni te kesaj?

“Po.”

Pse si kishit marre masat?

“Kjo grabitje duhej te pengohej nga ushtria dhe jo nga SHIK. SHIK-u ne ate kohe kishte rreth 1300 vete, roje, magaziniere etj. Pra nje sherbim qe informon dhe jo qe te vepronte. S’mund t’i mbyllte SHIK-u depot e ushtrise.”

Si e moret informacionin qe selia e SHIK po sulmohej dhe atje ndodheshin brenda 3 punonjes?

“Me njoftuan ata qe ishin ne godinen e SHIK.”

Si ishte reagimi juaj?

“Nuk dua te komentoj. Ndodhen gjera te tmerrshme.”

A keni tentuar ju me ministrin e Mbrojtjes Zhulali t’u vinit ne ndihme?

“C’interes ka te diskutojme per kete. Duhet diskutuar fakti qe zoti Klosi ka vrare dy kryetare sherbimi informativ, kryetarin e Vlores dhe Lushnjes.”

Si i vrau?

“Duhet pyetur zoti Klosi. Njeri u vra ne shtepine e tij ne Greqi dhe tjetri ne Lushnje.”

Ne c’vit jane vrare?

“Menjehere sa erdhi zoti Klosi kryetar i SHIK-ut.”

Eshte marre vesh perse jane vrare?

“Sepse kane qene kryetare SHIK-u, per cfare arsye tjeter!”

Pas sulmeve te godinave te SHIK-ut, a ishit te informuar se ‘po ndodhte me materialin qe ishte brenda?

“Materialet u grabiten, u hodhen dhe u dogjen.”

A kane patur dore sherbimet fqinje ne ngjarjet e 1997?

“Eshte mire te mos komentoj.”

Po sherbimi informativ amerikan, CIA?

“Ne kemi patur marredhenie normale me CIA-n.”

Pse u zgjodhet ju ne krye te operacionit gjate gjendjes se jashtezakonshme?

“Nuk u zgjodha une, me zgjodhen. Sigurisht qe une nuk kundershtova. Sigurisht qe kisha te drejten qe te mos pranoja.”

A keni tentuar ju qe te shtypni me dhune ate qe eshte quajtur revolta e ‘97?

“Nuk tentuam per nje arsye te thjeshte, sepse zoti Berisha nuk zgjodhi rrugen represive. Neqofte se do te zgjidhej rruga represive, problemi ishte i thjeshte, do te burgoseshin drejtuesit e opozites. Zan Caushi do te ikte me motoskaf.”

Opozita i ka stimuluar keto levizje?

“I ka drejtuar dhe jo stimuluar. Ajo ishte nje kryengritje qe e organizoi Partia Komuniste, Partia e Punes se Shqiperise kunder pushtetit antipopullor te Sali Berishes sic e quanin ato. Dua te dal ne nje pike interesante. Ne vitin 1976 pas atyre grupeve te famshme armiqesore ne te gjitha fushat ne Shqiperi u vendos qe te ngrihej nje dege ne Ministrine e Brendshme qe te quhej Dega e Agjenteve te Konservuar. Cfare ishin keto keta do te ishin njerez qe do te rekrutoheshin dhe nuk do te kishin ndonje aktivitet ne ate periudhe, pasi ne ndonje pushtet popullor te ardhshem do te depertonin dhe do te sherbenin per ta rrezuar ate pushtet qe ata e quanin antipopullor. Ne vitin 1992 kur kemi ardhur ne pushtet dhe deri ne 2006 nuk eshte nje periudhe shume e gjate, jane vetem 14 vjet dhe ata jane aktivizuar gjate kohes qe ne erdhem ne pushtet ne 1992-1997, ato jane aktivizuar gjate periudhes qe te permbysnin pushtetin antipopullor sipas tyre, edhe pse te mos jene aktive dhe sot. Keto dosje te ketyre njerez duhen hapur. Ato jane zhdukur dhe ne kemi gjetur disa fragmente qe i kane shpetuar ketej apo andej per te treguar ekzistencen e ketyre agjenteve.”

A gjendet ndonje dosje?

“E pamundur nuk eshte. Mund te rikonstruktohen edhe nese nuk mund te gjenden.”

Keni tentuar ju te godisni me arme kimike ose me arme te shkaterrimit ne mase popullaten? Ka pasur dhe nje akuze te prokurorise per kete ceshtje.

“Kjo eshte qesharake. Une e kam degjuar, por me duket qesharake. Sigurisht qe nuk kam tentuar. Zoti Berisha kishte zgjedhur nje tjeter rruge, pervec asaj represive. A do te mund te behej nje rruge represive? Une kete gje nuk dua ta komentoj sot, pasi nuk mund te flas per nje gje qe nuk ia di pasojat. Une po them se zoti Berisha zgjodhi nje rruge paqesore per zgjidhjen e problemit.”

Ju u larguat nga drejtimi i SHIK ne mars te ‘97. Pse u larguat? Nese ishit ne perputhje me ligjin dhe nese nuk e keni shkelur kurre ate, pse u larguat?

“Sepse pushtetin nuk e moren ne menyre te ligjshme ne Shqiperi qe ligji te vepronte normalisht. Pushteti u morr me dhune, me revolucion.”

Por me zgjedhje......

“Ndoshta ky ishte gabimi i Partise Demokratike qe dorezoi pushtetin me zgjedhje, te cilat nuk ishin zgjedhje sipas mendimit tim. Nese do ta kisha une ne dore pushtetin do ta dorezoja dhe do te dorezoja celesat te cdo institucioni, te cdo zyre, drejtuesve te Partise Socialiste. Gramoz Ruci, hajde merr celesat, na merre Ministrine e Brendshme, ja ku e ke. Mua me duket me normale qe t’ja dorezonim celesat e institucionit, ashtu sic kishin ardhur me dhune. Dhe te rrish ne Shqiperi dhe te te gjykoje Zan Caushi, te te gjykoje Nehat Kulla. Ne kete kohe Nehat Kulla ka qene biznesmen e fuqishem, ndersa ne kohen tone i denuar per vrasjen e dy policeve.”

Ne ate kohe u largua gati gjithe lidershipi i SHIK...

“E larguan gjithe lidershipin. Mund te them sot se mbi 90 per qind e SHIK eshte me pension sigurimi. Drejtori i Sigurimit te Shtetit ne kohen e Gramoz Rucit deri para ca muajsh ka qene drejtor i drejtorise juridike ne SHIK, ky eshte sherbimi i zotit Moisiu qe thote se eshte i papranueshem sherbimi Gazidedes, sot eshte sherbimi i Gramoz Rucit.”

Ku keni jetuar keto vite? Ne cfare drejtimi jeni larguar? Eshte folur se keni qene ne Siri, ne Arabine Saudite, Afganistan...

“Kam qene ne Turqi gjate gjithe ketyre viteve. Nuk kam levizur nga Turqia.”

Keni qene i kontraktuar nga sherbimet atje?

“Jo nuk kam qene i kontaktuar nga sherbimet atje. Kam marre nje lloj asistence me te cilen une kam jetuar. Gjate ketyre tete vjeteve jam marre me profesionin tim, kam shkruar 7 libra matematike, 4 nga te cilat i kam botuar.”

Pse vendoset te ktheheshit ne 2005?

“Une ju thashe se dhe largimi ishte ne nje fare menyre i detyruar, nuk desha te me gjykojne kriminelet. Kam menduar dhe me perpara te kthehesha. Ka pas disa rrethana qe nuk me lejuan.”

A jeni i gatshem qe nese rihapet ceshtja juaj, te perballeni?

“Nuk kam asnje lloj problemi dhe asnje lloj paragjykimi nese hapet ceshtja. Mendoj se nuk ka nga ata burra ne Shqiperi qe do te me denojne dot, pasi jam i bindur qe nuk kam shkelur asnjehere ligjin.”

Si ndjeheni ne pune ne zyren e hipotekes?

“Ajo eshte nje fushe qe une nuk them se e njoh. Po perpiqem qe ta njoh si fushe, po perpiqem qe ta njoh si pune. Nuk eshte ndonje gje e jashtezakonshme qe nuk mesohet dot. Mendohem te jem i drejte ne zgjidhjen e problemeve qe ndesh, mundohem te mos kem asnje lloj lidhje me personat qe jane para meje. Une mendoj se nese prona eshte eshte e nje personi, nuk ka fare rendesi se cfare eshte ai person, eshte demokrat apo socialist apo ku e di une se cfare. Ka raste qe jane jashte fuqise sime per te zgjidhur si problem dhe po perpiqem ne nje fare menyre te ndikoj sado pak nje fare rregulli ne ate qe bej.”

A keni ndikim te forte ne politike?

“Eshte nje pyetje shume interesante. Une nuk kam pas marre pjese ne politike edhe atehere kur kam qene kryetar i SHIK qe mendohej se isha nje mik shume i afert me Berishen. Megjithese une mendoj se Berisha sillet normalisht me te gjithe bashkepunetoret e vete dhe nuk mban njerin me afer se tjetrin. Flas te pakten per periudhen kur une e kam njohur nga afer. Po ta krahasoj veten me zotin Klosi, te cilin e zgjodhi zoti Medidani, sepse e kishte mik te ngushte ne krye te SHIK. Zoti Berisha me zgjodhi mua pa me njohur. Zoti Klosi pasi iku nga SHIK eshte anetar i kryesise te LSI-se, kerkon strehim ne politike. Une nuk kam absolutisht asnje lloj funksioni ne Partine Demokratike.”

A dispononi te dhena sekrete te cilat mund t’ju bejne te fuqishem?

“Une nuk jam nga ata persona qe mundohem te perfitoj nga kjo gje. Nuk kam menduar asnjehere qe te perfitoj nga te tilla rrethana dhe nuk do te perfitoj asnjehere. E quaj rruge te paligjshme nje perfitim te tille.”

A jeni ne dijeni te rrugeve te tilla?

“Nuk dua te komentoj te tilla gjera. Nese them jo, me duket sikur ja ul vlerat vetes, po te them nuk eshte se kushedi se cfare di.”


E Premte, 27 Tetor 2006
Kortezi e Korrieri


© Albasoul.com 1998-2007
Te gjitha materialet qe serviren ne kete faqe jane origjinale dhe cdo riprodhim i tyre ne cdo forme pa pelqimin tone konsiderohet shkelje ligjore. Jeni te lutur qe te gjithe pa perjashtim te respektoni te drejtat e autorit. Ne respektojme te drejten e autorit dhe per cdo material te huazuar kemi dhene kredite e duhura autorit. Qe te kopjoni materialet tona, duhet te merrni pelqimin e administratorit. Mund te na kontaktoni tek webmaster@albasoul.com.